លំហាត់ទី៦៖ រចនានិមិត្តសញ្ញា និងឋានានុក្រមមើលឃើញ¶

ព័ត៌មានលំហាត់

មេរៀនពាក់ព័ន្ធ៖ មេរៀនទី៦៖ អថេរមើលឃើញ និងការរចនានិមិត្តសញ្ញា ការអនុវត្តដោយខ្លួនឯង · QGIS 3.34 LTR · ប្រហែល ១០០ នាទី

ស្ថានភាព¶

មន្ទីរអប់រំ និងមន្ទីរសាធារណការសុំផែនទីតែមួយ ដែលបង្ហាញ៖ ប្រភេទសាលារៀន (ប្រភេទ) ចំនួនប្រជាជនភូមិ (បរិមាណ) និង ថ្នាក់ផ្លូវ (លំដាប់)។ ទិន្នន័យបីប្រភេទ ត្រូវការអថេរមើលឃើញបីផ្សេងគ្នា។

គោលបំណង¶

ប្រើ Categorized Graduated និង Data-defined override ក្នុង QGIS។
ផ្គូផ្គងអថេរមើលឃើញជាមួយប្រភេទទិន្នន័យ។
បង្កើតសញ្ញាសមាមាត្រដែលធ្វើមាត្រដ្ឋានតាមផ្ទៃ។
បង្កើតឋានានុក្រមមើលឃើញ និងសញ្ញាសម្គាល់ផែនទីច្បាស់។

ឯកសារដែលប្រើ¶

ប្រើសំណុំទិន្នន័យ Cambodia (ឧបសម្ព័ន្ធ ខ)។

ស្រទាប់	ថត	វាល
`Kh_School`	`School/`	`SCHOOL_TYP`
`Census_Village`	`Census_2008/`	`TOTPOP`
`Kh_Main_Roads_MPWT2014`	`Infrastructure/`	`type_en` `cond_en`
`Kh_Province_Boundary` · `Kh_Commune_area`	`Admin/`

ពិសោធន៍មុនចាប់ផ្ដើម · ១០ នាទី¶

សកម្មភាពទី១៖ រៀបចំតំបន់សិក្សា · ១០ នាទី¶

Extract by expression លើ Kh_Province_Boundary៖ "ProvGis" = 'KH04' → kc_province
Extract by location៖ Kh_School within kc_province → kc_schools · Census_Village ដោយ left("VILL_CODE",2) = '04' → kc_villages
Clip Kh_Main_Roads_MPWT2014 ជាមួយ kc_province → kc_roads

សកម្មភាពទី២៖ ប្រភេទ → រាង និងពណ៌ · ២០ នាទី¶

kc_schools → Symbology → Categorized លើ SCHOOL_TYP → Classify។
សម្រាប់ថ្នាក់នីមួយៗ ជ្រើស រាង ខុសគ្នា (Simple Marker៖ circle · square · triangle · star) ហើយរក្សា ពណ៌តែមួយ។
ធ្វើម្ដងទៀតដោយប្រើ ពណ៌ ខុសគ្នា និងរាងតែមួយ។ ប្រៀបធៀបផែនទីទាំងពីរ។

សំណួរ៖ ផែនទីមួយណាងាយអានជាង ពេលសញ្ញាតូច? ផែនទីមួយណាងាយអានជាង ពេលបោះពុម្ពសខ្មៅ?

សកម្មភាពទី៣៖ បរិមាណ → ទំហំសមាមាត្រ · ២៥ នាទី¶

kc_villages → Symbology → Single Symbol → ចុចរូបកណ្ដុរនៅជាប់ Size → Edit (Data-defined override) → Expression៖
```
0.09 * sqrt("TOTPOP")
```
ឯកតា Size ជា Millimeters។ ភូមិ ១ ០០០ នាក់ → ២,៨ មម · ៤ ០០០ នាក់ → ៥,៧ មម។
ធ្វើម្ដងទៀតដោយកន្សោមខុស 0.0012 * "TOTPOP" (ធ្វើមាត្រដ្ឋានតាមកាំ) ហើយប្រៀបធៀបជាមួយឫសការ៉េ។
កំណត់ Opacity ៧០% និងព្រំសញ្ញាពណ៌ស ដើម្បីកុំឱ្យសញ្ញាត្រួតគ្នាបាត់។
បន្ថែមសញ្ញាសម្គាល់ផែនទីសម្រាប់សញ្ញាសមាមាត្រ៖ Layer Properties → Legend → Data-defined size legend → Separated legend items ជាមួយតម្លៃ ១ ០០០ · ៣ ០០០ · ៦ ០០០។

សំណួរ៖ កន្សោមមួយណាធ្វើឱ្យភូមិធំមើលទៅធំហួសហេតុ? ហេតុអ្វី?

សកម្មភាពទី៤៖ លំដាប់ → ទទឹង និងតម្លៃពន្លឺ · ២០ នាទី¶

kc_roads → Categorized លើ type_en៖ ផ្លូវជាតិចម្បង ទទឹង ១,២ មម · ផ្លូវជាតិបន្ទាប់បន្សំ ០,៦ មម ពណ៌ដូចគ្នា។
បន្ថែម Scale-dependent visibility៖ បង្ហាញ kc_villages តែនៅមាត្រដ្ឋានធំជាង ១ : ៥០០ ០០០។
រៀបចំឋានានុក្រម៖ ឃុំ (ព្រំស្ដើងប្រផេះ) → ផ្លូវ → ភូមិ → សាលា។ ពិនិត្យលំដាប់ស្រទាប់។

សកម្មភាពទី៥៖ ផែនទី និងការសាកល្បង · ១៥ នាទី¶

Print Layout A4៖ ចំណងជើង · សញ្ញាសម្គាល់ផែនទី (រៀបចំឈ្មោះថ្នាក់ជាភាសាខ្មែរ) · របារមាត្រដ្ឋាន · ប្រភព។
នាំចេញ PDF ហើយបោះពុម្ព ឬមើលទំហំពិត ១០០%។
តេស្ត ៣ វិនាទី៖ បង្ហាញផែនទីដល់មិត្តម្នាក់ ៣ វិនាទី ហើយសួរថាគាត់ចាំអ្វីមុនគេ។ កត់ត្រាចម្លើយ ហើយកែឋានានុក្រមបើចាំបាច់។

លទ្ធផលត្រូវប្រគល់¶

ផែនទីពីរនៃសាលារៀន (រាង និងពណ៌) ជាមួយការប្រៀបធៀប។
ផែនទីសញ្ញាសមាមាត្រ ជាមួយសញ្ញាសម្គាល់ផែនទីទំហំ។
ផែនទី A4 ចុងក្រោយ និងលទ្ធផលតេស្ត ៣ វិនាទី។

ពិនិត្យលទ្ធផលដោយខ្លួនឯង¶

អាចវាយលេខខ្មែរ ឬលេខអារ៉ាប់។

១. Kh_School មានប្រភេទសាលា (SCHOOL_TYP) ប៉ុន្មានថ្នាក់?

២. Kh_Main_Roads_MPWT2014 មានថ្នាក់ផ្លូវ (type_en) ប៉ុន្មាន?

៣. ភូមិក្នុងខេត្តកំពង់ឆ្នាំងមានប៉ុន្មាន?

៤. ជាមួយកន្សោម 0.09 * sqrt(\"TOTPOP\") ភូមិ ៤ ០០០ នាក់ មានទំហំសញ្ញាប៉ុន្មាន មម (ទសភាគ ១ ខ្ទង់)?

៥. អថេរមើលឃើញណាសមស្របបំផុតសម្រាប់ទិន្នន័យប្រភេទ (Nominal)?

ជម្រើសអនុវត្តជាមួយទិន្នន័យក្នុង ZIP¶

ប្រើ Categorized លើប្រភេទសេវា និង Graduated លើបរិមាណ។ កំណត់ symbol size ជាមមសម្រាប់សញ្ញាដែលត្រូវមានទំហំថេរនៅលើក្រដាស។ ពិនិត្យនៅមាត្រដ្ឋានគោលដៅ មុន Export។

បើគ្មាន Cambodia.zip ពេញលេញ ប្រើទិន្នន័យសាកល្បងក្នុង កញ្ចប់អនុវត្ត offline។ តម្លៃសំយោគមានចម្លើយផ្សេងពីទិន្នន័យដើម៖ កុំប្រើវាដើម្បីឆ្លើយប្រអប់លេខថេរខាងលើ។ ត្រឡប់ទៅ មេរៀន 6 ដើម្បីធ្វើពិសោធន៍ និងសំណួរថ្មី។