Skip to content

លំហាត់ទី៤៖ វាស់ចម្ងាយ និងរៀបចំផែនទីតាមមាត្រដ្ឋាន

ព័ត៌មានលំហាត់

មេរៀនពាក់ព័ន្ធ៖ មេរៀនទី៤៖ មាត្រដ្ឋាន និងការវាស់វែងលើផែនទី ការអនុវត្តដោយខ្លួនឯង · QGIS 3.34 LTR · ប្រហែល ៩០ នាទី

ស្ថានភាព

ក្រសួងអប់រំត្រូវការផែនទីបោះពុម្ពទំហំ A4 ដែលសិស្សអាចវាស់ចម្ងាយពីភ្នំពេញទៅទីរួមខេត្តដោយបន្ទាត់។ ផែនទីត្រូវមានមាត្រដ្ឋានពិតប្រាកដ និងរបារមាត្រដ្ឋានត្រឹមត្រូវ។

គោលបំណង

  • វាស់ចម្ងាយក្នុង QGIS ដោយ Cartesian និង Ellipsoidal ហើយប្រៀបធៀប។
  • គណនាចម្ងាយរវាងចំណុចច្រើនដោយ Distance Matrix។
  • កំណត់មាត្រដ្ឋានពិតប្រាកដក្នុង Print Layout ហើយផ្ទៀងផ្ទាត់ក្រោយបោះពុម្ព។
  • រចនារបារមាត្រដ្ឋានដែលអានងាយ។

ឯកសារដែលប្រើ

ប្រើសំណុំទិន្នន័យ Cambodia (ឧបសម្ព័ន្ធ ខ)។

ស្រទាប់ ថត
Kh_Province_Center Admin/
Kh_Province_Boundary Admin/
Kh_Main_Roads_MPWT2014 Infrastructure/

ពិសោធន៍មុនចាប់ផ្ដើម · ១០ នាទី

សកម្មភាពទី១៖ វាស់ចម្ងាយ · ២០ នាទី

  1. កំណត់ CRS គម្រោង EPSG:32648 ហើយបន្ថែមស្រទាប់ទាំងបី។
  2. Measure Line (Ctrl+Shift+M)៖ វាស់ពីចំណុចភ្នំពេញ ទៅទីរួមខេត្តកំពង់ឆ្នាំង (បើក Snapping ទៅ Kh_Province_Center)។
  3. ក្នុងប្រអប់ Measure ប្ដូររវាង Cartesian និង Ellipsoidal ហើយកត់ត្រាទាំងពីរ។
  4. ប្ដូរ CRS គម្រោងទៅ EPSG:3857 ហើយវាស់ Cartesian ម្ដងទៀត។ ប្រៀបធៀប។
CRS គម្រោង Cartesian (គម) Ellipsoidal (គម)
EPSG:32648
EPSG:3857

សកម្មភាពទី២៖ តារាងចម្ងាយ · ២០ នាទី

  1. Vector → Analysis Tools → Distance Matrix៖ Input Kh_Province_Center · ID Name_EN · Target Kh_Province_Center · ID Name_EN · Standard (N × T) distance matrix → dist_matrix.csv
  2. បើកតារាងលទ្ធផល។ ចម្ងាយជាម៉ែត្រ ក្នុង CRS ស្រទាប់ (UTM 48N)។
  3. រកទីរួមខេត្ត ៣ ដែលឆ្ងាយពីភ្នំពេញជាងគេ និង ៣ ដែលជិតជាងគេ (ក្រៅពីភ្នំពេញខ្លួនឯង)។

សកម្មភាពទី៣៖ ផែនទីមាត្រដ្ឋានពិតប្រាកដ · ៣០ នាទី

  1. New Print Layout ទំហំ A4 Portrait។
  2. Add Map៖ ក្នុង Item Properties កំណត់ Scale ជា 2500000 ហើយកែទំហំប្រអប់ឱ្យកម្ពុជាសមនឹងក្រដាស។

  3. Add Scale Bar៖

    ការកំណត់ តម្លៃ
    Style Single Box
    Units Kilometers
    Fixed width 25
    Segments ឆ្វេង 0 · ស្ដាំ 4

  4. Add Label ជាមួយ Expression៖ 'មាត្រដ្ឋាន ១ : ' || format_number(item_variables('Map 1')['map_scale'], 0) (ប្ដូរ Map 1 តាមឈ្មោះប្រអប់ផែនទី)។

  5. បន្ថែមចំណងជើង សញ្ញាសម្គាល់ផែនទី ប្រភព CRS។ Export PDF ៣០០ dpi។
  6. បោះពុម្ពទំហំពិត (១០០% · មិនមែន Fit to page)។ វាស់ចម្ងាយភ្នំពេញ–កំពង់ឆ្នាំងដោយបន្ទាត់ ហើយគណនាតាម RF និងតាមរបារមាត្រដ្ឋាន។

Fit to page

ពេលបោះពុម្ពជាមួយ «Fit to page» ឬ «Shrink» ផែនទីត្រូវបានបង្រួម ហើយ RF លើផែនទីខុស។ របារមាត្រដ្ឋាននៅតែត្រឹមត្រូវ។

សកម្មភាពទី៤៖ ឆ្លុះបញ្ចាំង · ១០ នាទី

សរសេរ ៣ ទៅ ៥ ប្រយោគ៖ ចម្ងាយពី QGIS ពីផែនទីបោះពុម្ពតាម RF និងតាមរបារមាត្រដ្ឋាន ខុសគ្នាប៉ុណ្ណា ហើយហេតុអ្វី?

លទ្ធផលត្រូវប្រគល់

  • តារាងចម្ងាយ Cartesian និង Ellipsoidal។
  • dist_matrix.csv និងបញ្ជីទីរួមខេត្តជិត/ឆ្ងាយ។
  • ផែនទី PDF ១ : ២ ៥០០ ០០០ និងការវាស់ពីក្រដាស។

ពិនិត្យលទ្ធផលដោយខ្លួនឯង

អាចវាយលេខខ្មែរ ឬលេខអារ៉ាប់ ហើយមិនចាំបាច់ដាក់សញ្ញាក្បៀស។

១. ចម្ងាយបន្ទាត់ត្រង់ពីចំណុចភ្នំពេញទៅទីរួមខេត្តកំពង់ឆ្នាំង (គម · ទសភាគ ១ ខ្ទង់)?

២. ចម្ងាយពីភ្នំពេញទៅទីរួមខេត្តតាកែវ (គម)?

៣. ចម្ងាយពីភ្នំពេញទៅទីរួមខេត្តរតនគិរី (គម)?

៤. លើផែនទី ១ : ២ ៥០០ ០០០ ចម្ងាយ ៨០ គម ស្មើប៉ុន្មានសម?

៥. ផែនទីត្រូវបានបោះពុម្ពបង្រួម ៥០%។ RF ពិតប្រាកដក្លាយជា ១ : ប៉ុន្មាន?

ជម្រើសអនុវត្តជាមួយទិន្នន័យក្នុង ZIP

ក្នុង Layout កំណត់ map scale=50000 ហើយភ្ជាប់ Scale Bar ទៅ Map 1។ Export PDF ហើយបោះពុម្ព Actual size។ វាស់របារមាត្រដ្ឋានជាមួយបន្ទាត់ក្រដាស មុនប្រើសម្រាប់ចម្ងាយ។

បើគ្មាន Cambodia.zip ពេញលេញ ប្រើទិន្នន័យសាកល្បងក្នុង កញ្ចប់អនុវត្ត offline។ តម្លៃសំយោគមានចម្លើយផ្សេងពីទិន្នន័យដើម៖ កុំប្រើវាដើម្បីឆ្លើយប្រអប់លេខថេរខាងលើ។ ត្រឡប់ទៅ មេរៀន 4 ដើម្បីធ្វើពិសោធន៍ និងសំណួរថ្មី។